ေနျပည္ေတာ္၊ ဇူလုိင္ ၂၉
အိႏၵိယသမၼတႏိုင္ငံသို႔ ခ်စ္ၾကည္ေရးခရီးေရာက္ရွိေနေသာ တပ္မေတာ္ကာကြယ္ေရးဦးစီးခ်ဳပ္ ဗုိလ္ခ်ဳပ္မွဴးႀကီး မင္းေအာင္လႈိင္ ဦးေဆာင္သည့္ ျမန္မာ့တပ္မေတာ္ ခ်စ္ၾကည္ေရးကိုယ္စားလွယ္အဖြဲ႕ သည္ ဇူလုိင္ ၂၈ ရက္နံနက္ပုိင္းတြင္ အဂၢရာၿမဳိ႕ရွိ တာ့ဂ်္မဟာဂူဗိမာန္(Taj Mahal) ႏွင့္ အဂၢရာခံတပ္ (Agra Fort)သို႔ သြားေရာက္ ၾကည့္႐ႈေလ့လာၾကသည္။
ဦးစြာ တပ္မေတာ္ကာကြယ္ေရးဦးစီးခ်ဳပ္ႏွင့္ အဖြဲ႕၀င္မ်ားသည္ တာ့ဂ်္မဟာဂူဗိမာန္(Taj Mahal)သုိ႕ ေရာက္ရွိၿပီး လွည့္လည္ၾကည့္႐ႈေလ့လာကာ အမွတ္တရ စုေပါင္းဓာတ္ပုံမ်ား ရုိက္ကူးၾကသည္။ တာ့ဂ်္မဟာဂူဗိမာန္သည္ အဂၢရာၿမိဳ႕၏အေရွ႕ဘက္ အဂၢရာခံတပ္မွ တစ္မုိင္ခန္႕ကြာေ၀းသည့္ ဥယ်ာဥ္ တစ္ခုအတြင္း၌ တည္ရွိၿပီး မဂုိဘုရင္ ရွားဂ်ဟန္က ၎၏ကြယ္လြန္သြားေသာမိဖုရား မြန္တာဇ္မဟာ (Mumtaz Mahal) အား လြမ္းဆြတ္သတိရေသာအားျဖင့္ ယမုံနာျမစ္ကမ္းနံေဘးတြင္ အထိမ္းအမွတ္ အျဖစ္ တည္ေဆာက္ခဲ့ေသာ ႀကီးက်ယ္ခမ္းနားသည့္ ဂူဗိမာန္ျဖစ္ေၾကာင္း၊ ရွားဂ်ဟန္ဘုရင္သည္ တာ့ဂ်္မဟာဂူဗိမာန္ကုိ ၁၆၃၂ ခုႏွစ္တြင္ စတင္တည္ေဆာက္ခဲ့ၿပီး ၁၆၄၃ ခုႏွစ္တြင္ ေဆာက္လုပ္ ၿပီးစီးခဲ့ကာ အရန္အေဆာက္အအုံမ်ားမွာ ၁၆၄၈ ခုႏွစ္တြင္ အၿပီးသတ္ၿပီးစီးခဲ့ေၾကာင္း၊ အလြန္လက္ရာ ေျမာက္ေသာ ဗိသုကာလက္ရာ အေဆာက္အအုံတစ္ခုအျဖစ္ ကမၻာတြင္ထင္ရွားၿပီး ၁၉၈၃ ခုႏွစ္တြင္ တာ့ဂ်္မဟာဂူဗိမာန္ကုိ UNESCO မွ ကမၻာ့ေရွးေဟာင္းအေမြအႏွစ္စာရင္း၀င္အျဖစ္ သတ္မွတ္ခဲ့ ေၾကာင္း၊ တာ့ဂ်္မဟာဂူဗိမာန္မွာ စက်င္ေက်ာက္ျဖဴျဖင့္ တည္ေဆာက္ထားေသာ ရွစ္ေျမႇာင့္ပုံ အေဆာက္အအုံႀကီးျဖစ္ၿပီး ေပ ၁၉၀ ခန္႕အျမင့္ရွိကာ အေဆာက္အဦ၏ အလယ္ဗဟုိတည့္တည့္တြင္ မိဖုရား၏ ေက်ာက္ျဖဴသားဂူကုိထားရွိၿပီး ေက်ာက္မ်က္(၁၂) မ်ဳိးထည့္သြင္းထားေသာ ေက်ာက္သား ခန္းစီးျဖင့္ကာရံထားေၾကာင္းႏွင့္ တာ့ဂ်္မဟာဂူဗိမာန္အား ေန႕စဥ္ျပည္တြင္း၊ ျပည္ပမွ လည္ပတ္ ေလ့လာသူ ၂၅၀၀၀ မွ ၄၅၀၀၀ ထိ လာေရာက္ၾကည့္႐ႈလ်က္ရွိၿပီး ခရီးသြားမ်ားျပားသည့္ကာလတြင္ တစ္ရက္လူဦးေရတစ္သိန္းခန္႕အထိ လာေရာက္ေလ့လာလ်က္ရွိေၾကာင္း သိရွိရသည္။
ဆက္လက္ၿပီး တပ္မေတာ္ကာကြယ္ေရးဦးစီးခ်ဳပ္ႏွင့္ အဖြဲ႕၀င္မ်ားသည္ တာ့ဂ်္မဟာဂူဗိမာန္၏ အေနာက္ေျမာက္ဘက္ ၂.၅ ကီလုိမီတာအကြာရွိ အဂၢရာခံတပ္ (Agra Fort)သုိ႕ သြားေရာက္ ေလ့လာ ၾကည့္႐ႈၾကၿပီး အမွတ္တရစုေပါင္းဓာတ္ပုံမ်ား ရုိက္ကူးၾကသည္။
အဆုိပါ အဂၢရာခံတပ္သည္လည္း UNESCO ကမၻာ့ေရွးေဟာင္းအေမြ အႏွစ္စာရင္း၀င္ ေနရာတစ္ခု ျဖစ္ၿပီး ၿမိဳ႕ေတာ္ကုိ လုံၿခဳံမႈေပးႏုိင္ရန္အတြက္ က်ဳံး၊ ၿမိဳ႕႐ုိး စုံလင္စြာျဖင့္ ပုံေဖာ္တည္ေဆာက္ထားသည့္ ခံတပ္တစ္ခုျဖစ္ၿပီး ေခတ္အဆက္ဆက္အသုံးျပဳခဲ့ၾကေၾကာင္း၊ အဂၢရာခံတပ္ (Agra Fort)ကုိ မူလက အုတ္ခဲခံတပ္ Badalgarh Fort အျဖစ္ လူသိမ်ားထင္ရွားခဲ့ၿပီး ၁၅၆၅ ခုႏွစ္တြင္ Akbar ဘုရင္က သဲေက်ာက္နီအသုံးျပဳၿပီး ၈ ႏွစ္ၾကာ ျပန္လည္မြမ္းမံတည္ေဆာက္ခဲ့ရာ ၁၅၇၃ ခုႏွစ္တြင္ ၿပီးစီးခဲ့ ေၾကာင္း၊ အဂၢရာခံတပ္မွာ စက္၀ုိင္းပုံသ႑န္ တည္ေဆာက္ထားၿပီး ၃၈၀၀၀၀ စတုရန္းမီတာ(၉၄ ဧက) က်ယ္၀န္း၍ နံရံအျမင့္မွာ ေပ ၇၀ ခန္႕ျမင့္မားကာ ယမုံနာျမစ္ကမ္းေဘးတြင္ သဘာ၀အတားအဆီးျဖင့္ ေပါင္းစပ္တည္ေဆာက္ထားျခင္း ျဖစ္ေၾကာင္း သိရွိရသည္။
ထို႔ေနာက္ တပ္မေတာ္ကာကြယ္ေရးဦးစီးခ်ဳပ္ ဗိုလ္ခ်ဳပ္မွဴးႀကီး မင္းေအာင္လႈိင္ႏွင့္ကိုယ္စားလွယ္ အဖြဲ႕၀င္မ်ားသည္ မြန္းလြဲပိုင္းတြင္ အဂၢရာေလတပ္စခန္း Air Force Station (Agra) သို႔ သြားေရာက္ ၾကည့္႐ႈေလ့လာၾကရာ တာ၀န္ရွိတစ္ဦးက Air Force Station (Agra) ႏွင့္ပတ္သက္၍ ရွင္းလင္း တင္ျပၿပီး တပ္မေတာ္ကာကြယ္ေရးဦးစီးခ်ဳပ္ႏွင့္ အဖြဲ႕၀င္မ်ားက သိရွိလိုသည္မ်ား ေမးျမန္းေဆြးေႏြး ခဲ့ကာ အထိမ္းအမွတ္တံဆိပ္မ်ား အျပန္အလွန္ လဲလွယ္ခဲ့ၾကသည္။ ယင္းေနာက္ တပ္မေတာ္ ကာကြယ္ေရးဦးစီးခ်ဳပ္ႏွင့္ အဖြဲ႕၀င္မ်ားသည္ Air Force Station အတြင္း ေမာ္ေတာ္ယာဥ္မ်ားျဖင့္ လွည့္လည္ၾကည့္႐ႈခဲ့ၿပီး အိႏၵိယေလတပ္မွ ေလထီးသင္တန္းသားမ်ား၏ ေျမျပင္ေလထီးခုန္ ေလ့က်င့္ခန္း အသီးသီးေလ့က်င့္ေနမႈမ်ားအား လုိက္လံၾကည့္႐ႈကာ ဧည့္သည္ေတာ္မွတ္တမ္း စာအုပ္တြင္ လက္မွတ္ေရးထုိး၍ အမွတ္တရစုေပါင္း ဓာတ္ပုံရုိက္ကူးခဲ့ၾကသည္။
ယင္းေနာက္ တပ္မေတာ္ကာကြယ္ေရးဦးစီးခ်ဳပ္ႏွင့္အဖြဲ႕၀င္မ်ားသည္ အိႏၵိယ တပ္မေတာ္အထူး ေလယာဥ္ျဖင့္ အဂၢရာၿမိဳ႕မွ နယူးေဒလီၿမိဳ႕သုိ႕ထြက္ခြာၾကရာ Air Force Station (Agra) ဌာနခ်ဳပ္မွဴး ႏွင့္ တာ၀န္ရွိသူမ်ားက ပုိ႕ေဆာင္ႏႈတ္ဆက္ၾကသည္။ တပ္မေတာ္ကာကြယ္ေရးဦးစီးခ်ဳပ္ႏွင့္ အဖြဲ႕၀င္ မ်ားသည္ နယူးေဒလီေလဆိပ္သုိ႕ ေဒသစံေတာ္ခ်ိန္ ညေန ၅ နာရီခန္႕တြင္ ေရာက္ရွိခဲ့ၾကၿပီး အိႏၵိယ တပ္မေတာ္မွတာ၀န္ရွိသူမ်ားႏွင့္ အိႏၵိယသမၼတႏိုင္ငံဆုိင္ရာ ျမန္မာႏိုင္ငံသံအမတ္ႀကီး ဦးမုိးေက်ာ္ေအာင္တုိ႕က ႀကိဳဆုိႏႈတ္ဆက္ခဲ့ၾကသည္။
(Unicode Version)
မြန်မာ့တပ်မတော်ချစ်ကြည်ရေးကိုယ်စားလှယ်အဖွဲ့ အဂ္ဂရာမြို့ရှိ တာ့ဂျ်မဟာဂူဗိမာန် (Taj Mahal) ၊ အဂ္ဂရာခံတပ် (Agra Fort)နှင့် အဂ္ဂရာလေတပ်စခန်း Air Force Station (Agra)များသို့ သွားရောက်ကြည့်ရှုလေ့လာ
နေပြည်တော်၊ ဇူလိုင် ၂၉
အိန္ဒိယသမ္မတနိုင်ငံသို့ ချစ်ကြည်ရေးခရီးရောက်ရှိနေသော တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သည့် မြန်မာ့တပ်မတော် ချစ်ကြည်ရေးကိုယ်စားလှယ်အဖွဲ့ သည် ဇူလိုင် ၂၈ ရက်နံနက်ပိုင်းတွင် အဂ္ဂရာမြို့ရှိ တာ့ဂျ်မဟာဂူဗိမာန်(Taj Mahal) နှင့် အဂ္ဂရာခံတပ် (Agra Fort)သို့ သွားရောက် ကြည့်ရှုလေ့လာကြသည်။
ဦးစွာ တပ်မတော်ကာကွယ်ရေးဦးစီးချုပ်နှင့် အဖွဲ့ဝင်များသည် တာ့ဂျ်မဟာဂူဗိမာန်(Taj Mahal)သို့ ရောက်ရှိပြီး လှည့်လည်ကြည့်ရှုလေ့လာကာ အမှတ်တရ စုပေါင်းဓာတ်ပုံများ ရိုက်ကူးကြသည်။ တာ့ဂျ်မဟာဂူဗိမာန်သည် အဂ္ဂရာမြို့၏အရှေ့ဘက် အဂ္ဂရာခံတပ်မှ တစ်မိုင်ခန့်ကွာဝေးသည့် ဥယျာဉ် တစ်ခုအတွင်း၌ တည်ရှိပြီး မဂိုဘုရင် ရှားဂျဟန်က ၎င်း၏ကွယ်လွန်သွားသောမိဖုရား မွန်တာဇ်မဟာ (Mumtaz Mahal) အား လွမ်းဆွတ်သတိရသောအားဖြင့် ယမုံနာမြစ်ကမ်းနံဘေးတွင် အထိမ်းအမှတ် အဖြစ် တည်ဆောက်ခဲ့သော ကြီးကျယ်ခမ်းနားသည့် ဂူဗိမာန်ဖြစ်ကြောင်း၊ ရှားဂျဟန်ဘုရင်သည် တာ့ဂျ်မဟာဂူဗိမာန်ကို ၁၆၃၂ ခုနှစ်တွင် စတင်တည်ဆောက်ခဲ့ပြီး ၁၆၄၃ ခုနှစ်တွင် ဆောက်လုပ် ပြီးစီးခဲ့ကာ အရန်အဆောက်အအုံများမှာ ၁၆၄၈ ခုနှစ်တွင် အပြီးသတ်ပြီးစီးခဲ့ကြောင်း၊ အလွန်လက်ရာ မြောက်သော ဗိသုကာလက်ရာ အဆောက်အအုံတစ်ခုအဖြစ် ကမ္ဘာတွင်ထင်ရှားပြီး ၁၉၈၃ ခုနှစ်တွင် တာ့ဂျ်မဟာဂူဗိမာန်ကို UNESCO မှ ကမ္ဘာ့ရှေးဟောင်းအမွေအနှစ်စာရင်းဝင်အဖြစ် သတ်မှတ်ခဲ့ ကြောင်း၊ တာ့ဂျ်မဟာဂူဗိမာန်မှာ စကျင်ကျောက်ဖြူဖြင့် တည်ဆောက်ထားသော ရှစ်မြှောင့်ပုံ အဆောက်အအုံကြီးဖြစ်ပြီး ပေ ၁၉၀ ခန့်အမြင့်ရှိကာ အဆောက်အဦ၏ အလယ်ဗဟိုတည့်တည့်တွင် မိဖုရား၏ ကျောက်ဖြူသားဂူကိုထားရှိပြီး ကျောက်မျက်(၁၂) မျိုးထည့်သွင်းထားသော ကျောက်သား ခန်းစီးဖြင့်ကာရံထားကြောင်းနှင့် တာ့ဂျ်မဟာဂူဗိမာန်အား နေ့စဉ်ပြည်တွင်း၊ ပြည်ပမှ လည်ပတ် လေ့လာသူ ၂၅၀၀၀ မှ ၄၅၀၀၀ ထိ လာရောက်ကြည့်ရှုလျက်ရှိပြီး ခရီးသွားများပြားသည့်ကာလတွင် တစ်ရက်လူဦးရေတစ်သိန်းခန့်အထိ လာရောက်လေ့လာလျက်ရှိကြောင်း သိရှိရသည်။
ဆက်လက်ပြီး တပ်မတော်ကာကွယ်ရေးဦးစီးချုပ်နှင့် အဖွဲ့ဝင်များသည် တာ့ဂျ်မဟာဂူဗိမာန်၏ အနောက်မြောက်ဘက် ၂.၅ ကီလိုမီတာအကွာရှိ အဂ္ဂရာခံတပ် (Agra Fort)သို့ သွားရောက် လေ့လာ ကြည့်ရှုကြပြီး အမှတ်တရစုပေါင်းဓာတ်ပုံများ ရိုက်ကူးကြသည်။
အဆိုပါ အဂ္ဂရာခံတပ်သည်လည်း UNESCO ကမ္ဘာ့ရှေးဟောင်းအမွေ အနှစ်စာရင်းဝင် နေရာတစ်ခု ဖြစ်ပြီး မြို့တော်ကို လုံခြုံမှုပေးနိုင်ရန်အတွက် ကျုံး၊ မြို့ရိုး စုံလင်စွာဖြင့် ပုံဖော်တည်ဆောက်ထားသည့် ခံတပ်တစ်ခုဖြစ်ပြီး ခေတ်အဆက်ဆက်အသုံးပြုခဲ့ကြကြောင်း၊ အဂ္ဂရာခံတပ် (Agra Fort)ကို မူလက အုတ်ခဲခံတပ် Badalgarh Fort အဖြစ် လူသိများထင်ရှားခဲ့ပြီး ၁၅၆၅ ခုနှစ်တွင် Akbar ဘုရင်က သဲကျောက်နီအသုံးပြုပြီး ၈ နှစ်ကြာ ပြန်လည်မွမ်းမံတည်ဆောက်ခဲ့ရာ ၁၅၇၃ ခုနှစ်တွင် ပြီးစီးခဲ့ ကြောင်း၊ အဂ္ဂရာခံတပ်မှာ စက်ဝိုင်းပုံသဏ္ဍန် တည်ဆောက်ထားပြီး ၃၈၀၀၀၀ စတုရန်းမီတာ(၉၄ ဧက) ကျယ်ဝန်း၍ နံရံအမြင့်မှာ ပေ ၇၀ ခန့်မြင့်မားကာ ယမုံနာမြစ်ကမ်းဘေးတွင် သဘာဝအတားအဆီးဖြင့် ပေါင်းစပ်တည်ဆောက်ထားခြင်း ဖြစ်ကြောင်း သိရှိရသည်။
ထို့နောက် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့်ကိုယ်စားလှယ် အဖွဲ့ဝင်များသည် မွန်းလွဲပိုင်းတွင် အဂ္ဂရာလေတပ်စခန်း Air Force Station (Agra) သို့ သွားရောက် ကြည့်ရှုလေ့လာကြရာ တာဝန်ရှိတစ်ဦးက Air Force Station (Agra) နှင့်ပတ်သက်၍ ရှင်းလင်း တင်ပြပြီး တပ်မတော်ကာကွယ်ရေးဦးစီးချုပ်နှင့် အဖွဲ့ဝင်များက သိရှိလိုသည်များ မေးမြန်းဆွေးနွေး ခဲ့ကာ အထိမ်းအမှတ်တံဆိပ်များ အပြန်အလှန် လဲလှယ်ခဲ့ကြသည်။ ယင်းနောက် တပ်မတော် ကာကွယ်ရေးဦးစီးချုပ်နှင့် အဖွဲ့ဝင်များသည် Air Force Station အတွင်း မော်တော်ယာဉ်များဖြင့် လှည့်လည်ကြည့်ရှုခဲ့ပြီး အိန္ဒိယလေတပ်မှ လေထီးသင်တန်းသားများ၏ မြေပြင်လေထီးခုန် လေ့ကျင့်ခန်း အသီးသီးလေ့ကျင့်နေမှုများအား လိုက်လံကြည့်ရှုကာ ဧည့်သည်တော်မှတ်တမ်း စာအုပ်တွင် လက်မှတ်ရေးထိုး၍ အမှတ်တရစုပေါင်း ဓာတ်ပုံရိုက်ကူးခဲ့ကြသည်။
ယင်းနောက် တပ်မတော်ကာကွယ်ရေးဦးစီးချုပ်နှင့်အဖွဲ့ဝင်များသည် အိန္ဒိယ တပ်မတော်အထူး လေယာဉ်ဖြင့် အဂ္ဂရာမြို့မှ နယူးဒေလီမြို့သို့ထွက်ခွာကြရာ Air Force Station (Agra) ဌာနချုပ်မှူး နှင့် တာဝန်ရှိသူများက ပို့ဆောင်နှုတ်ဆက်ကြသည်။ တပ်မတော်ကာကွယ်ရေးဦးစီးချုပ်နှင့် အဖွဲ့ဝင် များသည် နယူးဒေလီလေဆိပ်သို့ ဒေသစံတော်ချိန် ညနေ ၅ နာရီခန့်တွင် ရောက်ရှိခဲ့ကြပြီး အိန္ဒိယ တပ်မတော်မှတာဝန်ရှိသူများနှင့် အိန္ဒိယသမ္မတနိုင်ငံဆိုင်ရာ မြန်မာနိုင်ငံသံအမတ်ကြီး ဦးမိုးကျော်အောင်တို့က ကြိုဆိုနှုတ်ဆက်ခဲ့ကြသည်။
