မြန်မာနိုင်ငံတွင်ဖြစ်ပွားခဲ့သည့် အင်အားပြင်းမြေငလျင်ကြောင့် ပျက်စီးဆုံးရှုံးရမှုများနှင့် ပတ်သက်၍ နိုင်ငံတကာမှ ခေါင်းဆောင်များ၊ အကြီးအကဲများ၊ ဘာသာရေးအသင်းအဖွဲ့အကြီးအကဲများက နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်ထံသို့ ဝမ်းနည်းကြောင်းသဝဏ်လွှာများ ဆက်လက်ပေးပို့

နေပြည်တော်၊ ၂၀၂၅ ခုနှစ် ဧပြီ – ၂

၂၀၂၅ ခုနှစ်၊ မတ် ၂၈ ရက်တွင် အင်အားပြင်းငလျင် လှုပ်ခတ်ခဲ့မှုကြောင့် ထိခိုက်ပျက်စီးမှုများ၊ အသက်ဆုံးရှုံးမှုများနှင့် ထိခိုက်ဒဏ်ရာရရှိမှုများ အမြောက်အများ ဖြစ်ပေါ်ခဲ့ခြင်းအတွက် နိုင်ငံတကာမှ ခေါင်းဆောင်များ၊ အကြီးအကဲများ၊ ဘာသာရေး အသင်းအဖွဲ့အကြီးအကဲများက နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော် ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်ထံသို့ ဝမ်းနည်းကြောင်းသဝဏ်လွှာများ ဆက်လက်ပေးပို့ကြသည်။

အင်အားပြင်းငလျင်ကြောင့် ထိခိုက်ပျက်စီးမှုများ၊ အသက်ဆုံးရှုံးမှုများနှင့် ထိခိုက်ဒဏ်ရာရရှိမှုများ အမြောက်အများဖြစ်ပေါ်ခဲ့ခြင်းအတွက် ရုရှားဖက်ဒရေးရှင်း နိုင်ငံသမ္မတ၊ မစ္စတာ ဗလာဒီမီရ်ပူတင်ကလည်းကောင်း၊ ဘယ်လာရုစ်နိုင်ငံသမ္မတ၊ မစ္စတာ အလက်ဇန်းဒရာ လူကာရှန်းကာကလည်းကောင်း၊ လာအိုပြည်သူ့ဒီမိုကရက် တစ် သမ္မတနိုင်ငံ၊ ဝန်ကြီးချုပ် Mr.Sonexay Siphandone ကလည်းကောင်း၊ တာခ်မင် နစ္စတန်နိုင်ငံ၊ သမ္မတ H.E Mr. Serdar Berdimuhamedov ကလည်းကောင်း၊ ဆေးရှဲလ်သမ္မတနိုင်ငံ၊ သမ္မတ Mr. Wavel Ramkalawan ကလည်းကောင်း၊ အာရှ ငြိမ်းချမ်းရေးနှင့် စေ့စပ်ညှိနှိုင်းရေးကောင်စီ၊ ဥက္ကဋ္ဌ Prof. Dr. Surakiart Sathirathai ကလည်းကောင်း၊ ရုရှားဖက်ဒရေးရှင်းနိုင်ငံ၊ လုံခြုံရေးကောင်စီ၊ ဒုတိယဥက္ကဋ္ဌ မစ္စတာ ဒီမီထရီ မက်ဗီဒက်ဗ် ကလည်းကောင်း၊ ရုရှားဖက်ဒရေးရှင်းနိုင်ငံ၊ နိုဗိုစီဗစ်ခရိုင်အုပ်ချုပ် ရေးမှူး Mr. A.A. Travnikov ကလည်းကောင်း၊ ရုရှားဖက်ဒရေးရှင်းနိုင်ငံ၊ ဘူရားတီးရား ပြည်နယ် အကြီးအကဲ Mr. Alexey Tsydenov ကလည်းကောင်း၊ ဂျပန်နိုင်ငံ၊ ဂျပန်-မြန်မာယဉ်ကျေးမှု၊ စက်မှုမြှင့်တင်ရေးအသင်း၊ ဂုဏ်ထူးဆောင်အကြံပေး ဟီရိုမီချီ ဝါတာ နာဘေ ကလည်းကောင်း၊ အရှေ့တောင်အာရှ Patriarchal Exarchate ၏ ဘုန်း တော်ကြီး Sergiy တို့က နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော် ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ထံသို့ ဝမ်းနည်းကြောင်း သဝဏ်လွှာများ အသီးသီးပေးပို့ကြသည်။

အဆိုပါ သဝဏ်လွှာများတွင် မြန်မာနိုင်ငံ အနေဖြင့် ပြင်းထန်သည့်ငလျင်ဒဏ် ခံစားခဲ့ရပြီး အသက်အိုးအိမ်စည်းစိမ် အများအပြား ထိခိုက်ဆုံးရှုံးရသည်ကို သိရှိရသည့် အတွက်များစွာ ဝမ်းနည်းမိပါကြောင်း၊ နောက်ဆက်တွဲ ဝမ်းနည်းဖွယ်ရာ ဖြစ်ရပ်များ ကြောင့် မိမိနေဖြင့် များစွာစိတ်မကောင်းဖြစ်ရပါကြောင်း၊ ရုရှားပြည်သူများသည် ဖော်ရွေသောမြန်မာပြည်သူများနှင့် ထပ်တူထပ်မျှဝမ်းနည်းရပါကြောင်း၊ ချစ်ခင်သူများ ဆုံးရှုံးခဲ့ရသည့် မိသားစုဝင်များကို စာနာနားလည်ပါကြောင်းနှင့် သဘာဝဘေးဒဏ် ကြောင့် ထိခိုက်သူများအားလုံးကို အမြန်ဆုံးပြန်လည်ကောင်းမွန်လာစေရန် ဆုမွန် ကောင်းတောင်းအပ်ပါကြောင်း၊ လာအိုပြည်သူ့ဒီမိုကရက်တစ်သမ္မတနိုင်ငံအစိုးရနှင့် ပြည်သူများကိုယ်စား အဆွေတော်၊ မြန်မာနိုင်ငံအစိုးရနှင့် မြန်မာပြည်သူများ အထူး သဖြင့် ကျန်ရစ်သူမိသားစုများအား များစွာဝမ်းနည်းကြေကွဲကြောင်း၊ မြန်မာနိုင်ငံ အလယ်ပိုင်းတွင် ပြင်းထန်သော ငလျင်လှုပ်ခတ်မှုကြောင့် ပြည်သူပေါင်းများစွာ ထိခိုက် ဆုံးရှုံးမှုများနှင့် ပျက်စီးဆုံးရှုံးမှုများအတွက် မိမိအနေဖြင့် များစွာစိတ်မကောင်းဖြစ်ရပါ ကြောင်း၊ မြန်မာပြည်သူများ၏ အသက်အိုးအိမ်စည်းစိမ် ဆုံးရှုံးမှုများကို ဖြစ်ပေါ်စေခဲ့ သည့် ၂၀၂၅ ခုနှစ်၊ မတ်လ ၂၈ ရက်တွင် လှုပ်ခတ်သွားခဲ့သော  ပြင်းထန်သည့် ငလျင် သတင်းအား ကြားသိရသည့်အတွက် များစွာ ဝမ်းနည်းကြေကွဲရပါကြောင်း၊ မြန်မာပြည် သူများ၏ဘဝ အမြန်ဆုံး ပြန်လည်ထူထောင်နိုင်ရန် မျှော်လင့်လျက်ရှိကြောင်း၊ မြန်မာ နိုင်ငံတွင် ဖြစ်ပွားခဲ့သည့် ပြင်းထန်သော ငလျင်လှုပ်ခတ်ခဲ့သည့် သတင်းကြောင့် များစွာ အံ့ဩစိတ်မကောင်း ဖြစ်ရပါကြောင်း၊ ယခုကဲ့သို့ ကြောက်မက်ဖွယ်ကောင်းသော ကပ် ဘေးဒုက္ခတွင် မိသားစုများ၊ မိတ်ဆွေများ ဆုံးရှုံးခဲ့ရသည့် မြန်မာပြည်သူများ အားလုံးကို မိမိ၏ အလေးအနက်စိတ်မကောင်းမှုအား ဖော်ပြအပ်ပါကြောင်း၊ မိမိနှင့် အရှေ့တောင် အာရှ၏ အော်သိုဒေါ့ ခရစ်ယာန်အသင်းတော် (Patriarchal Exarchate) ကိုယ်စား မြန်မာပြည်သူများအားလုံးနှင့် အဆွေတော်အား ဆုတောင်းမေတ္တာပို့သအပ်ပါကြောင်း၊ တို့ဖြင့် ဝမ်းနည်းစိတ်မကောင်းမှုများကို အသီးသီး ဖော်ပြထားကြသည်။