တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် နီပေါနိုင်ငံဆိုင်ရာမြန်မာနိုင်ငံသံရုံးမိသားစုများအား တွေ့ဆုံအမှာစကားပြောကြား

(Unicode Version)

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် နီပေါနိုင်ငံဆိုင်ရာမြန်မာနိုင်ငံသံရုံးမိသားစုများအား တွေ့ဆုံအမှာစကားပြောကြား

နေပြည်တော်၊ ဒီဇင်ဘာ ၁၃

နီပေါဖက်ဒရယ်ဒီမိုကရက်တစ်သမ္မတနိုင်ငံသို့ ချစ်ကြည်ရေးခရီးရောက်ရှိနေသည့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် နီပေါနိုင်ငံဆိုင်ရာ မြန်မာနိုင်ငံသံရုံးမိသားစုများအား ဒီဇင်ဘာ ၁၂ ရက်ညပိုင်းတွင် ခတ္တမန္ဒူမြို့ရှိ နီပေါနိုင်ငံဆိုင်ရာ မြန်မာနိုင်ငံသံရုံးဧည့်ခန်းမ၌ တွေ့ဆုံအမှာစကားပြောကြားသည်။

ဦးစွာတပ်မတော်ကာကွယ်ရေးဦးစီးချုပ်သည်ဇနီးဒေါ်ကြူကြူလှ၊ ကာကွယ်ရေးဦးစီးချုပ်ရုံးမှတပ်မတော်အရာရှိကြီးများ၊ နီပေါနိုင်ငံဆိုင်ရာမြန်မာနိုင်ငံသံအမတ်ကြီး ဦးထွန်းနေလင်းနှင့်ဇနီး၊ အိန္ဒိယနိုင်ငံဆိုင်ရာမြန်မာစစ်သံ(ကြည်း၊ရေ၊လေ)ဗိုလ်မှူးချုပ် သိန်းဇော်နှင့်ဇနီးတို့လိုက်ပါပြီး နီပေါနိုင်ငံဆိုင်ရာမြန်မာနိုင်ငံသံရုံးသို့ရောက်ရှိကြရာ သံရုံး အမှုထမ်းများနှင့် နီပေါ-မြန်မာ ချစ်ကြည်ရေးအသင်းမှတာဝန်ရှိသူများက ကြိုဆိုနှုတ်ဆက်ကြသည်။

ထို့နောက်တပ််မတော်ကာကွယ်ရေးဦးစီးချုပ်က သံရုံးမိသားစုများအားတွေ့ဆုံ အမှာစကားပြောကြားရာတွင် ယခုကဲ့သို့မိမိချစ်ကြည်ရေးခရီးစဉ်လာရောက်ခြင်းသည် နှစ်နိုင်ငံနှင့် နှစ်နိုင်ငံတပ်မတော်နှစ်ရပ်အကြားဆက်ဆံရေးမြှင့်တင်ရန်ဖြစ်ကြောင်း၊ နီပေါနိုင်ငံနှင့်မြန်မာနိုင်ငံသည်အခြေခံဆက်စပ်မှုများရှိပြီး နီပေါနိုင်ငံဖွားမြန်မာနိုင်ငံသား များရှိသကဲ့သို့ မြန်မာနိုင်ငံတွင်မွေးဖွားပြီး နီပေါနိုင်ငံတွင်နေထိုင်ကြသူများရှိကြောင်း၊ မြန်မာ-နီပေါနှစ်နိုင်ငံသမိုင်းကြောင်းအရ ယဉ်ကျေးမှု၊ကိုးကွယ်မှုဘာသာများ နီးစပ်မှုရှိသဖြင့် ပိုမိုချစ်ကြည်ရင်းနှီးသည့် နှစ်နိုင်ငံဆက်ဆံရေးရှိရန်လိုအပ်ကြောင်း၊ ယခုခရီးစဉ် အတွင်းနီပေါနိုင်ငံသမ္မတ၊ ၀န်ကြီးချုပ်၊ ကာကွယ်ရေးဝန်ကြီး၊ ကြည်းတပ်ဦးစီးချုပ်တို့နှင့် တွေ့ဆုံဆွေးနွေးစဉ် နှစ်နိုင်ငံချစ်ကြည်ရင်းနှီးမှုများနှင့် စီးပွားရေးဆိုင်ရာပူးပေါင်း ဆောင်ရွက်မှုများမြှင့်တင်ဆောင်ရွက်ရန်ဆွေးနွေးခဲ့ကြောင်း၊ ထိုသို့ဆောင်ရွက်နိုင်ရန် အတွက်သံရုံးအမှုထမ်းများကလည်းမိမိတို့ တတ်နိုင်သည့်ဘက်မှဆောင်ရွက်ပေးရန် လိုကြောင်း၊ နီပေါနိုင်ငံတွင်ရာသီဥတုပြင်းထန်သည်ဟုသိရှိရသဖြင့် မိမိတို့တစ်ဦးချင်း၏ ကျန်းမာရေးကိုဂရုစိုက်ထိမ်းသိမ်းကြရန်လိုကြောင်း၊ မြန်မာနိုင်ငံဖွားနီပေါနိုင်ငံသားများနှင့် နီပေါနိုင်ငံသားများနှစ်နိုင်ငံအပြန်အလှန်သွားလာမှုများအဆင်ပြေစေရန်အတွက်လည်း ကူညီဆောင်ရွက်ပေးစေ လိုကြောင်းမှာကြားသည်။

ယင်းနောက် မြန်မာနိုင်ငံတွင်ပြည်သူများမှ ရွေးချယ်သည့်ပါတီစုံဒီမိုကရေစီ လမ်းကြောင်းပေါ်တွင် လျှောက်လှမ်းနေမှုအခြေအနေများနှင့် ခိုင်မာမှုရှိစေရန်တပ်မတော် မှဆောင်ရွက်နေမှုအခြေအနေများ၊ တပ်မတော်အနေဖြင့်နိုင်ငံရေးနှင့်ပတ်သက်မှု မရှိကြောင်းနှင့်အမျိုးသားနိုင်ငံရေးကိုသာဆောင်ရွက်လျက်ရှိပြီး နိုင်ငံ့ဝန်ထမ်းများ အနေဖြင့်လည်း နိုင်ငံရေးကိစ္စရပ်များနှင့်ကင်းရှင်းရန်လိုအပ်မှုအခြေအနေများနှင့် ပြည်တွင်းငြိမ်းချမ်းရေးရရှိအောင်ဆောင်ရွက်နေမှုအခြေအနေများအားရှင်းလင်း ပြောကြားသည်။

တွေ့ဆုံပွဲအပြီးတွင်တပ်မတော်ကာကွယ်ရေးဦးစီးချုပ်က သံရုံးမိသားစုများအတွက် လက်ဆောင်ပစ္စည်းများနှင့်ချီးမြှင့်ငွေများပေးအပ်ရာ သံအမတ်ကြီးနှင့်ဇနီး၊ အိန္ဒိယနိုင်ငံဆိုင်ရာမြန်မာစစ်သံ(ကြည်း၊ရေ၊လေ)နှင့်ဇနီး၊ သံရုံးမိသားစုများက အသီးသီးလက်ခံရယူကြသည်။ ယင်းနောက်တပ်မတော်ကာကွယ်ရေးဦးစီးချုပ်နှင့်ဇနီးဦးဆောင်သည့် ချစ်ကြည်ရေးကိုယ်စားလှယ်အဖွဲ့အား နီပေါနိုင်ငံဆိုင်ရာ မြန်မာနိုင်ငံသံအမတ်ကြီးနှင့်ဇနီးတို့က ညစာဖြင့်တည်ခင်းဧည့်ခံခဲ့သည်။