တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သည့် မြန်မာ့တပ်မတော်ချစ်ကြည်ရေးကိုယ်စားလှယ်အဖွဲ့ ခတ္တမန္ဒူမြို့တွင်း လှည့်လည်ကြည့်ရှုလေ့လာ

ဆက္လက္ၿပီး တပ္မေတာ္ကာကြယ္ေရးဦးစီခ်ဳပ္ႏွင့္အဖြဲ႕၀င္မ်ားသည္ Buddhanath ေစတီေတာ္ႀကီးသုိ႔ေရာက္ရွိဖူးေျမာ္ၿပီး လွည့္လည္ၾကည့္႐ႈေလ့လာရာတာ၀န္ရွိသူမ်ားက လုိက္လံရွင္းလင္းျပသၾကသည္။ ယင္းေနာက္ေစတီေတာ္ေပၚတြင္ အမွတ္တရစုေပါင္း ဓာတ္ပုံ႐ုိက္ခဲ့ၾကသည္။

(Unicode Version)

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ဦးဆောင်သည့် မြန်မာ့တပ်မတော်ချစ်ကြည်ရေးကိုယ်စားလှယ်အဖွဲ့ ခတ္တမန္ဒူမြို့တွင်း လှည့်လည် ကြည့်ရှုလေ့လာ

နေပြည်တော်၊ ဒီဇင်ဘာ ၁၃

နီပေါတပ်မတော်ကြည်းတပ်ဦးစီးချုပ် Gen. Ranjendra Chhetri ၏ဖိတ်ကြားချက်အရ နီပေါဖက်ဒရယ်ဒီမိုကရက်တစ်သမ္မတနိုင်ငံသို့ ချစ်ကြည်ရေးခရီးစဉ်ရောက်ရှိနေသည့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်ဦးဆောင်သော မြန်မာ့တပ်မတော်ချစ်ကြည်ရေးကိုယ်စားလှယ်အဖွဲ့သည် ယနေ့နံနက်ပိုင်းတွင် ခတ္တမန္ဒူမြို့အတွင်း လှည့်လည်ကြည့်ရှုလေ့လာကြသည်။

ဦးစွာတပ်မတော်ကာကွယ်ရေးဦးစီးချုပ်နှင့်ဇနီး ဦးဆောင်သောမြန်မာ့တပ်မတော် ချစ်ကြည်ရေးကိုယ်စားလှယ်အဖွဲ့သည် Swayambhunath စေတီသို့ရောက်ရှိကြရာ တာဝန်ရှိသူများကကြိုဆိုနှုတ်ဆက်ကြသည်။ ထို့နောက်တပ်မတော်ကာကွယ်ရေးဦးစီးချုပ်သည်စေတီတော်အတွင်းရှိ ဗုဒ္ဓရုပ်ပွားတော်မြတ်အားဖူးမြော်ကြည်ညို၍ ဆီမီးဆက်ကပ် လှူဒါန်းပြီး စေတီတော်ကြီးအပေါ်တွင် လှည့်လည်ကြည့်ရှုလေ့လာကြရာ တာဝန်ရှိသူများကလိုက်လံရှင်းလင်းပြသကြသည်။ အဆိုပါစေတီတော်ကြီးအား ကျောက်တုံးတစ်တုံး တည်းကို ထုထွင်းတည်ထားခြင်းဖြစ်ပြီး ဘုံ ၁၃ ဆင့်ပါ၀င်၍ အရံစေတီတော်ငါးဆူက စေတီတော်ကြီးအားဝန်းရံထားကြောင်းသိရှိရသည်။

၎င်းနောက်တပ်မတော်ကာကွယ်ရေးဦးစီးချုပ်နှင့်အဖွဲ့ဝင်များသည် Patan Durbar Square ရင်ပြင်သို့ရောက်ရှိကြပြီးရင်ပြင်ရှိ Patan Museum အပါအဝင်ရှေးဟောင်း အနုပညာလက်ရာ အဆောက်အဦပြတိုက်များအားလှည့်လည်ကြည့်ရှုလေ့လာကြရာ တာဝန်ရှိသူတစ်ဦးကလိုက်လံရှင်းလင်းပြသသည်။ ထို့နောက်တပ်မတော်ကာကွယ်ရေး ဦးစီးချုပ်နှင့်ဇနီး၊ အဖွဲ့ဝင်များသည်ရင်ပြင်တွင်အမှတ်တရစုပေါင်းဓာတ်ပုံရိုက်ကြသည်။အဆိုပါ Patan Museum သည် UNESCO ကမ္ဘာ့သမိုင်းအမွေအနှစ်စာရင်းဝင် နီပေါနိုင်ငံမလ္လာဘုရင်မင်းဆက် (Malla Dynasty) လက်ထက်စေတီဘုရားကျောင်း၊ နန်းတော်အဆောက်အဦများကို ပြန်လည်ပြုပြင်မွန်းမံထိန်းသိမ်း၍ ပြတိုက်အဖြစ်ပြသထားခြင်းဖြစ်သည်။ သြစတြီးယားအစိုးရ၏ ငွေကြေးနှင့်နည်းပညာဆိုင်ရာအကူအညီဖြင့် ပြုပြင်ထိန်းသိမ်းခဲ့၍ နိုင်ငံပိုင်ပြတိုက်အဖြစ် ၁၉၉၇ ခုနှစ်တွင် စတင်ဖွင့်လှစ် ပြသခဲ့ခြင်းဖြစ်သည်။ ပန်းပု၊ ပန်းရံ၊ ပန်းတမော့၊ ကျောက်ဆစ်စသောရှေးဟောင်း အနုပညာလက်ရာမွန်များစွာကိုလေ့လာကြည့်ရှုနိုင်ကြောင်းသိရှိရသည်။

ဆက်လက်ပြီးတပ်မတော်ကာကွယ်ရေးဦးစီချုပ်နှင့်အဖွဲ့ဝင်များသည် Buddhanath စေတီတော်ကြီးသို့ရောက်ရှိဖူးမြော်ပြီး လှည့်လည်ကြည့်ရှုလေ့လာရာတာဝန်ရှိသူများကလိုက်လံရှင်းလင်းပြသကြသည်။ ယင်းနောက်စေတီတော်ပေါ်တွင် အမှတ်တရစုပေါင်း ဓာတ်ပုံရိုက်ခဲ့ကြသည်။