တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်၏ ၂၀၁၈ ခုနှစ်၊ ဇန်နဝါရီလ ၁ ရက်နေ့ နှစ်သစ်ကူးနှုတ်ခွန်းဆက်စကား

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်၏ ၂၀၁၈ ခုနှစ်၊ ဇန်နဝါရီလ ၁ ရက်နေ့ နှစ်သစ်ကူးနှုတ်ခွန်းဆက်စကား

ချစ်ခင်လေးစားရပါသော တိုင်းရင်းသားပြည်သူလူထုများခင်ဗျာ ၂၀၁၈ ခုနှစ်ရဲ့ နှစ်သစ်ကူး အခါသမယမှာ ပြည်ထောင်စုသမ္မတမြန်မာနိုင်ငံတော်နှင့် တိုင်းရင်းသား ပြည်သူလူထုအားလုံးကို ကျက်သရေ မင်္ဂလာအဖြာဖြာနှင့် ပြည့်စုံပါစေကြောင်းနှုတ်ခွန်းဆက်သလိုက်ရပါတယ်။

ယခုဆိုရင် ၂၀၁၇ ခုနှစ်ကုန်ဆုံးခဲ့ပြီဖြစ်လို့ ဒီတစ်နှစ်တာအတွင်းမှာ ကျွန်တော်တို့ ရင်ဆိုင်ဖြတ်သန်း ခဲ့ရတဲ့ ကိစ္စရပ်များစွာရှိပါတယ်၊ အောင်မြင်တဲ့လုပ်ငန်းရပ်တွေရှိသလို ရင်ဆိုင်ကျော်လွှားခဲ့ရတဲ့ လုပ်ငန်းရပ်တွေ လည်းရှိပါတယ်၊ ဒါတွေကိုသင်ခန်းစာရယူပြီးတော့ ဒီထက်ပိုပြီးကောင်းအောင်လုပ်ဆောင်သွားမယ်ဆိုရင် ကျွန်တော်တို့ တိုးတက်အောင်မြင်မှုတွေ မလွဲမသွေရမှာပဲဖြစ်ပါတယ်။

လာမယ့်ဇန်နဝါရီလ ၄ ရက်နေ့ဆိုရင် ကျွန်တော်တို့နိုင်ငံလွတ်လပ်ရေးရတာ နှစ်ပေါင်း ရ၀ ရှိခဲ့ပြီး ဖြစ်ပါတယ်၊ ကျွန်တော်တို့ ဖြတ်သန်းလာခဲ့တဲ့သမိုင်းတစ်လျှောက် ပြန်ကြည့်မယ်ဆိုရင် ပထမအချက်အနေနဲ့ နိုင်ငံတော်အေးချမ်းသာယာရေး၊ ဒုတိယအချက်အနေနဲ့ နိုင်ငံတော်ဖွံ့ဖြိုးတိုးတက်ရေး၊ တတိယအချက်အနေနဲ့ နိုင်ငံတော်စည်းလုံးညီညွတ်ရေးသုံးချက်ဟာ ကျွန်တော်တို့ပြည်သူပြည်သားအားလုံး စုစည်းညီညွတ်စွာနဲ့ ဆောင်ရွက်ဖို့လိုအပ်တဲ့ လုပ်ငန်းရပ်ဖြစ်တယ်ဆိုတာတွေ့ရပါလိမ့်မယ်၊ လူတိုင်းဟာ သူတို့ရဲ့ လူမှုစီးပွားဘဝ တိုးတက်ဖို့အတွက် လိုလားချက်ရှိကြပါတယ်၊ ဒါကိုကျွန်တော်တို့ တပ်မတော်အနေနဲ့ ဒီလုပ်ငန်းရပ်တွေ အားလုံးအောင်မြင်အောင် ကူညီဆောင်ရွက်သွားမယ်ဆိုတာ ကျွန်တော် အပြည့်အဝဆန္ဒပြုပြောကြား လိုပါတယ်။

မိဘပြည်သူများအားလုံး နှစ်သစ်မှာကိုယ်စိတ်နှစ်ဖြာကျန်းမာချမ်းသာပါစေကြောင်း ထပ်မံဆုမွန်ကောင်း တောင်းအပ်ပါတယ်ခင်ဗျာ။